XANABK’ÉEWEL

XANABK’ÉEWEL

Ja’alibe’ wíinik,

ta molaj tak a xla’ xanabk’éewel

ka’aj ta tuklaj a bin yéetel in jeelo’

mix le ta p’ataj teen ti’al in wilikech

je’el bix suuka’anil in wilik ch’uylik ka’acho’.

Ku ye’ets’el u chi’ in puksi’ik’al

le ken k’a’ajakten,

bix in jan kutal lu’um in wach’ u táabil

tumen a wooke’ u ka’anche’il in xolaankil

je’el bix u k’áat óolal juntúul J Meene’.

Bejla’e’ ts’o’ok sa’atal in sáasilil,

in wiche’ síij ti’al u yil a xanabk’éewel ta wook,

u xtóosabil in paakate’,

u ki’imakil u yóol máax ki’ wach’iktech walkila’

je’el bix u léets’a’al chan miis tumen u na’ile’.

Foto: Haizel de la Cruz

ALPARGATA

¡Qué más puedo decir, Señor!

recogiste hasta tu vieja alpargata

cuando decidiste marcharte con esa,

ni eso me dejaste para mirarte,

como devota de tus pies.

Retuerce la memoria

los labios de mi estómago,

me sentaba con urgencia a quitar los nudos,

tus pies era el altar de mis rodillas

como un J Meen ante la ofrenda.

Hoy he perdido la luz de mi pupila,

nació para mirar tus alpargatas en tus pies,

la llovizna de mis ojos,

es la alegría de quien hoy te los desliga

como una gata que baña con su lengua a su cachorro.