CHIICH

Ma' tu jáawal u yok'tik in wich u yajil a wóol, beey juntúl xma’ aalantsil táantik u kíimil u junab chaamapale’, ma' xan chéen wa ba'ax le ku máan u k'iina', le beetik táan a wéensik u ja'il a wich tin wich.

Suuka'an ja'abilja'ab a taal ichilo'on tanaj ta noj k'iinil a jaant a wo'och píib a ch'ujukkiint a chi' yéetel iis a ts’ak yéetel u buuts'il a k'úuts u ja’ach’il a wo’och sa’, Je’el bix u noj páats’tal Juntúul xma’ aale’.

Ja'ili' ka'aj ts'a'ab ketláan u ki’il a wo’och yéetel a wet animáasilo'obe', sa'atsa'abech ich hallowiin, p'a'asta'ab bix a máan a xíinxinbal chi’ichi’itak joolnaj, ku ko'onol ti' j táanxel kajil u cha'anil a nojbe'enil, beey u pa’ajal a su'talo', bejla'a chéen juntúun x maalix animáaseche' taak'in u tojol a piixan, je’el bix suuka’anil te’el iglesia u su’utul taak’inil u sujuyil le x ko’olebilo’.

Le beetik ma' taak a taal bejla'e' a síito'on je'el bix suukil lo'obale' u ki'imakil u yóol a kuxtal tu táan u chan ka'anche'il u ki’il a luuch, in wets'kuuntmaj pa'te' yéetel u payalchi'il in wóol t’óot’ik u xpu’ujikil u beel a taal, je’ej bix u beetik le kéej tu’ux ku máan u xíinbalo’.

Ba'ale' tin wilik bix a wok'ol tumen ma' tu t'ook u yáalal u ja'il in wich, je’el bix le chak-ik’al mix bik’in ku tu’ubulo.

ABUELA

No cesa de llorar en mis ojos el dolor de tu congoja, como una joven estéril que ha perdido a su único hijo, no es poca cosa lo que ha traído este día, por eso viertes el agua de tus ojos en mi rostro.

Es nuestra fe año con año recibirte en casa en este tiempo para que disfrutes tu píib para endulzar tus labios con la miel, para curar con el humo de tu tabaco la ingravidez de tu atole, como la partera talla a la infecunda.

Fue cuando obligaron a competir tu mesa con tu hermana ánima, te arrojaron al laberinto del halloween, burlaron tu peregrinación, (esa visita familiar, casa por casa) vendieron al turista como un espectáculo tu espiritualidad, así te avergonzaron, hoy que eres apenas una india muerta tu valor se cotiza en pesos, como acostumbran en las iglesias cotizar el nombre de la virgen.

Por eso te has negado a venir este año a obsequiarnos según tu fe, la alegría de tu inmortalidad delante de la mesa que ampara tu jícara, lo he asentado junto a la querencia de mi corazón que desparrama el xpu’ujuk de tu camino, como lo hace el venado con sus huellas.