U Jaajil Ki’ óolal *
U Jaajil Ki’ óolal *
Sen ki’ u yóol le máak ma’ tu ch’akik che’ tia’al navidado’ ma’ xan táan u béeykuntik u k’aak’as tsolxikin le j okol che’obo’ mix xan tu k’aanche’ le CONAFOR ku kutalo’.
Ba’ale’ u yaajkunaje’ ku ts’ik ti’ u k’áax Yumtsil, ti’ yaan u tuukul bulk’iin yéetel bul áakab ti’ le xíw ku ts’aako’.
U kuxtale’ bey junkúul che’ yaan tu jáal ts’ono’ote’, tumen jach tu k’iinil ku yichaankil, yéetele’ bul ja’ab tooj yóol, Tulákal ba’ax ku beetike’ ku bin utsil ti’.
Ma’ bey le máaxo’ob chéen suuk u bino’ob kutal templóo, beyo’ob ta’ míis ku jíilta’al tumen le iik’e’.
Le o’olale’ le j kon k’áaxo’obo’ ma’ tun ka’púut kuxtalo’ob, mix u j méek’táano’ob SEDUMA ichil u paalal Yuum K’áax.
Tumen Yumtsile’ u k’ajóol u beel le j kanan k’áaxo’obo’, ba’ale’ u beel le j ka’p’éel ich máako’obo’ yan u xu’ulsik.
* Salmo 1°
Versión Pedro Uc
