U JUUL YUUM K'IIN
U noj be'enil a k'ab bonik u táan yich xki'ichpan na'
U k'áak'il a wich julik u beel u xíimbal in puksi'ik'al
U ko'il a sakche'ej ki'imakkuunsik u yóol báaxal k'eej
U séebil a ch'a'ik a wiik' k'i'ibokuunsik u lool xts'íits'ilche'
U ts'íibolaj a xikin jats'utskiinyik u k'aay xk'ook'
U yalabóolal a náay wach'ik u yi'ij u nalil kool
U jojopaankil a wóol t'abik u chokuil u yaabilaj in xnuuk
Min le beetik chen te ch'uya'an in wich ta ch'a'a óotsilile'.
MIRADA SOLAR.
Tu artístico brazo colorea el rostro de la madre tierra,
La luz de tus ojos ilumina el horizonte de mi corazón,
La curiosidad de tu sonrisa alegra el baile del venado,
El ligero suspiro de tu olfato perfuma la flor del ts'its'ilche',
El deseo de tus oídos embellece el canto ruiseñor,
La esperanza de tu sueño devela la espiga del elote,
La intermitencia de tu febril cuerpo despierta a la amada,
Por eso cuelgan mis ojos en tu mirada compasiva.
