K'I'INAM
Tun k'i'inam in k'ajlay tumen istikia u k'a'ajal yiik',
tóoka'ab u áanalte’ tumen le ts'uulo'.
Tun k'i'inam in paakat tumen ich e'ejoch'e'enil sa'at u sáasil,
ch'o'op u yich tumen le ts'uulo'.
Tun k'i'inam in t'aan tumen toot u bin u yu'uba'al,
ma'ak u chi' tumen le ts'uulo'.
Tun k'i'inam in muuk' tumen joch'laankil u péek,
si'iskunta'ab u p'úulilo'ob tumen le ts'uulo'.
Tun k'i'inam in k'aay tumen sajak u yu'uba'al,
ba'ale' min tun náakal u k'i'inam tu xikin Yumtsilo'ob.
DOLOR
Se duele la memoria de haber perdido en el olvido su recuerdo,
sus códices fue víctima del fuego extraño.
Se duele la mirada de haber perdido en la oscuridad su luz,
Sus ojos fue víctima del dedo extraño.
Se duele la lengua de haber perdido en el tartajeo su palabra,
Su voz fue víctima del ruido extraño.
Se duele la fuerza de haber perdido en la debilidad su potencia,
su muslo fue víctima del látigo extraño.
Se duele el canto de haber perdido en el miedo su alegría,
pero empieza a perturbar los oídos rebeldes de Yumtsil.
