Ja’il Pixaan

Ja’il Pixaan

K’áamp’uche’en u xpu’ujukil

u táan u yich u kokojkilil a beel

tu t’óot’ol k’áaxil in lu’umil,

beyech k’óok’ob lelenkil u xookchuuyile’

beyech lóobayen kéej ku báaxtik u yaakunaje’.

J boxni’e’ sáansamal u na’akal

tu yóok’ol u kootil a wotoch ok’olchi’ibal

óoli beey yojel táan u bin yiik’ octubree,

nukuch wíiniko’obe’ ku ya’aliko’obe’

táan u yéets’tik u beel u suuka’anil a wu’ulul.

U muuk’ u ts’u’ a wóole’

u péeksmaj u xsamal xtóosabil xamanka’an

táan u páaytik u ke’elil nojol,

u xpéelomil chuunsak’abe’ che’ejilche’ej u ka’aj,

u nalil koole’ k’áants’ile’en u xlóobayeenil.

Chéen ba’ale’ xki’ichpan na’,

le ba’ax ku ts’a’abal u nu’ukul bejla’a’

ti’al u k’iinbesa’al bin a wu’ulul,

ma’ in wojeel wa yaan u yutstal tu t’aan a k’ajlayi’,

ma’ in wojel wa yaa u túunbenkuuntik u asbenil a wichi’.

Su’ut konbil cha’an a noj ka’anche’il,

su’ut jóojol ketláamil a k’inbesajil,

su’ut pizzail a wo’och máaytbil iswaaj,

ja’alibe’, tene’ kéex chéen jun chan luuch ja’e’

yaan in wets’kúunsik tu nojbe’enil a k’aba’,

je’el bix suuka’anil sáansamal k máansik k kuxtalile’.

Ja’il Pixaan

Amarillenta xpu’ujuk

es la faz de tu marcado camino

bajo las hileras de monte de mi territorio,

como serpiente que luce sus bordados,

como joven venada que juega su celo.

Todas las noches el boxni’ anfitrión

aúlla tu bienvenida sobre la barda de tu casa,

como si supiera que octubre toma su último aliento,

nuestros abuelos más primeros nos decían

que extraña el día de tu proverbial regreso.

Tu fuerza espiritual

atrae la menuda llovizna del norte,

convoca un poco de frío para el sur,

la espelón madura, acecha seductora en su vaina,

las mazorcas de la milpa se mecen ataviadas.

¡Eso si! Madre mía,

lo que hoy se prepara en el pueblo

para (al parecer) celebrar tu visita anual,

no estoy tan seguro de honrar tu memoria,

no se muy bien si renovará tus desgastados ojos.

Mudaron al zafio espectáculo tu altar,

subastaron al consumismo tu día sagrado,

hicieron de tu delicado iswaaj una pizza,

pero yo, aunque solo sea una jícara de agua,

te lo ofreceré sobre la mesa de nuestra intimidad,

como forjamos cada día nuestra vida.